বৰষুণৰ বতৰ
তোলৈ বৰকৈ মনত কৰিছে অ’ তগৰ |
এহাতে মোৰ উকা কাগজ
আনহাতে উন্মুক্ত কলম
কিদৰে লিখিম
কিদৰে লিখিম হৃদয়ৰ খবৰ |
নিভাজ কাগজত আঁকিব খোজো
বৰ্ণিল হৃদয়ৰ খবৰ
কলমৰ কাপ নিগৰি বৈ আহক
ৰামধেনুৰ বৰণ |
ক’ত ৰং, ক’ত পোহৰ ?
বৰষুণৰ বতৰ
তোলৈ বৰকৈ মনত পৰিছে অ’ তগৰ |
নজনাও আজি তোক
বুটা বছা আকাশৰ খবৰ
আৰু দি জোনাকৰ খবৰ
নলগাও আজি জগৰ
তোৰ প্ৰেমেৰে সাজিম আজি
সপোনৰ ঘৰ
পাৰ কৰিম তোৰ স্মৃতিৰে
যুগ যুগ বহু বছৰ |
তই নাহিবি তগৰ
সুলকি পৰিব তোৰ ওৰণিৰ চাদৰ
আৰু বই বই নীলা আকাশৰ সোঁত
চকুৰ পলকতে সৰি পৰিব
জীৱন ৰঙৰ উকা কাগজ..... ||
( ৰচনাকাল : ২৮/০৭/২০০৯)
No comments:
Post a Comment